Jakinmin

Jakinmin, praktika filosofikoa sustatzeko elkartea da. Elkartearen helburu orokorrak honako hauek dira:

bat

Praktika filosofiko berrien inguruko ikerketa fllosofikoa, pedagogikoa, soziala eta kulturala.

bi

Filosofiaren hezkuntza eta irakaskuntzaren berrikuntza pedagogikoa eta filosofikoa sustatzea. Adin ezberdinetako pertsonekin eta eragile zein erakunde ezberdinekin; formakuntza ikastaro, tailer, topaketa, hitzaldi, kongresu, mahai inguru, eta bestelakoak, sustatzea izanen du helburu. 

hiru

Helburu nagusietako bat: Haur Filosofia eta Gazteentzako Filosofia praktikaren inguruko: informazioa, sentsibilizazioa, sustapena, zabalkundea, formakuntza eta bidelaguntza.

lau

Hezkuntza sistema formalean zein ez formalean, Haur eta Gazteentzako Filosofian interesa duten eragile ezberdinei beraien eremuan sustatzen eta txertatzen laguntzea. 

bost

Filosofia Praktika Berrien inguruko informazioa, sentsibilizazioa eta zabalkundea gizartean ezagutzera ematea.

sei

Antzeko helburuak dituen beste elkarte edota erakundeekin komunikazioa, harremana eta elkarlana izatea.

zazpi

Praktika filosofiko berrien inguruan argitalpen, erakusketa, ikusentzunezko eta multimedia aplikazioak sustatzea.

Jakin

Jakin  euskalgintza eta kulturgintza sustatzeko ikerketa lerroak eta estrategiak garatu nahi dituen fundazioa da..

Bere helburu nagusien artean, besteak beste, honako hauek aipa ditzakegu:

bat

Euskal kultura Euskal Herrian eta gainerako herrietan ezagutzera eman eta zabaldu, horretarako behar diren baliabide ekonomiko, tekniko eta lingüistikoak erabiliz.

bi

Jakin bera bilgune eta bateragune izatea proposatu, euskararen eta kulturaren aldeko gogoetak eta ekimenak sortu, bideratu eta bultzatzeko.

hiru

Ideien historia, pentsamendua eta kultura landu.

lau

Gizarteko kultura desberdinen  integrazioa sustatu.

Filosofia Olinpiada

Euskadiko Filosofia Olinpiada irabazi-asmorik gabeko ekimen kultural eta hezitzailea da. 

DBHko bigarren zikloko eta Batxilergoko ikasle guztiei eskeinita dago, eta lau modalitate ezberdin ditu: iruzkina, dilema morala, bideogintza eta argazkilaritza. 

EAEko Olinpiada 2018an sortu zen Bigarren Hezkuntzako irakasle batzuen eskutik, Deustuko Unibertsitatea, EHU, Agora Elkartea eta REF-aren laguntzarekin. 

Olinpiaden helburu nagusia filosofia ikasleen errealitatera gerturatzea da eta eskolan bere presentzia areagotzea, aldi berean kurrikulumeko edukiekin lotura duten gaiak landuz.

Espainiako Filosofia Sarea

Espainiako Filosofia Sarea (REF) Espainiako komunitate filosofikoa egituratu eta filosofia-lanbideari lotutako elkarte, fundazio, irakaskuntza-erakunde, ikerketa-zentro eta abar guztiak koordinatu nahi dituen erakundea da.

Filosofiako Dekanotzaren Espainiako Konferentziak, CSICeko Filosofia Institutuak eta gai, hezkuntza maila eta autonomia erkidego ezberdinetako berrogeita hamar elkarte filosofiko baino gehiagok osatzen dute.

Ellen Duthie

Haur-literatura, haurrekin praktika filosofikoa eta bien arteko elkargunea interesatzen zaizkion emakumea da. Espainian jaioa (1974) baina nazionalitate britainiarrarekin, Filosofiako lizentziaduna eta masterra du Edinburgoko Unibertsitatean. Idazlea, irakaslea, blogaria eta itzultzailea.

Filosofiako hainbat programa ematen ditu: ‘Filosofia hirura’ eta ‘Ipuin-filosofia’, eskolaurreko eta lehen hezkuntzako haurrentzat, hurrenez hurren. Bere irakaskuntza-esperientziatik sortu da haurrentzako filosofia bisuala kontzeptua, Wonder Ponder proiektuan gauzatzen dena.

Filosofia a la de tres blogaren egilea da. Bertan, bere filosofia saioen esperientzia kontatzen du, eskolaurreko eskola batean eta Madrilgo eskola publiko batean.

Eugenio Sánchez Bravo

Salamancako Unibertsitatean Filosofia ikasi zuen (1986-1991). Kanarietan lan egin du 1992 tik 2011ra arte. Lan egin du Luis Cobiella Gizarte Hezkuntzan La Palman, baita Magallanes Gizarte Hezkuntzan eta Granadilla Gizarte Hezkuntzan ere, Tenerifen.

2011-2012 ikasturteaz geroztik, Plasenciako Valle del Jerte BHIn (Cáceres) lan egiten du. 2018-19 eta 2019-2020 ikasturteetan Extremadurako EBAUrako Filosofiaren Historiako koordinatzailea izan da.

Hezkuntzari buruz pentsatzeko Filosofia Gela 2001etik aktibo dagoen webgune bat da, filosofiari ateak irekitzeko asmoz, literaturatik, zinematik, artetik, musikatik, telebistatik, zientziatik…

Filosofía&Co

Filosofia, pentsamendu eta kulturaren gaztelaniazko atari da: galderak egiteko eta erantzunak aurkitzeko. Ideien mundura zabalik dagoen ate bat kalean eta pulpituetatik urrun.